Skrappherbergið.

Eins og flest ykkar vita hef ég lagt undir mig bílskúrinn í fönduraðstöðu fyrir sjálfa mig. En bílskúrinn er það herbergi í húsinu sem mest var skilið útundan þegar við "byggðum" húsið. Veggirnir eru bara fínsparslaðir hvítir og gólfið rykbundið. Nú er mig farið að langa til að gera eitthvað þar... mig langar til að fá geymsluloft svo ég geti hent þar upp hlutunum sem vantar pláss fyrir í geymslunni. Svo ég fái meira pláss fyrir föndurdótið mitt. Mig langar til að mála veggina og skella lakki á gólfið. Mig langar líka til að mála hillurnar frá ömmu sem ég er með allt dótið mitt í. Og svo ég tali nú ekki um hvað mig langar til að raða upp öllum húsgögnunum upp á nýtt. Og til að fullkomna þetta röfl ætla ég að segja ykkur litinn sem ég er að spá í að hafa.... mosagrænt.

Athugasemdir

[Bjarney Hallgrímsdóttir, 7.8.2007 kl. 20:05]

Sko Hulda mín, bílskúr á að vera BÍLSKÚR ekki  SKRAPPSKÚR Annars héti þetta föndurskúrar ef svo væri, nei bara allt í djóki, mosagrænn er flottur...